منگلورو 10/ جنوری (ایس او نیوز) ایک بے قابو کار الیکٹرک کھمبے  سے ٹکرا گئی جس کے بعد ڈرائیور کار کے اندر ہی پھنس گیا اور اسے مقامی لوگوں کی مدد سے  باہر نکال کر علاج کے لئے اسپتال میں منتقل کیا گیا ۔

 حادثہ اُلال کے  کوٹیکارو بیری نیشنل ہائی وے پر  دیر رات کو پیش آیا جب ہلے انگڈی کا رہنے والا نوفل تلپاڈی سے گھر کی طرف واپس لوٹ رہا تھا ۔ اس کی کار بے قابو ہو کر روڈڈ کے درمیان واقع ڈیوائڈر پر چڑھ گئی اور الیکٹرک پول سے ٹکرا کر الٹ گئی ؛ ٹکر لگتے ہی  کھمبا ٹوٹ کر کار کے اوپر گر گیا جس کی وجہ سے   نوفل کار کے اندر ہی  پھنس کر رہ گیا ۔ مقامی نوجوانوں نے بڑی مشقت سے اسے باہر نکالا اور اسپتال میں داخل کروایا ۔